おばぁ

歌詞

アッガンニャ！隣ぬ商店から魚とぅ米買い来しば かまたぬスーパーゆっさ°まい高々どぅ売う゛ぃとぅらす あてぃどぅ高かーてぃどぅ我達が嫁まい 行き戻し来うちがんなりうーすが あがいすつ　かんしぬ場合んなのーばしあすがまた アッガンニャ！十六日ぬ神すきす°酒買うがてぃ 隣ぬ商店ん行きば売う゛ぃ切し無んてぃぬ話 かまたぬスーパーん行きば酒や　ダヴッ 何から何がみどぅ揃いうー 次第次第んどぅ商店から離りーにゃーん 昔からぬ付き合いやすが 商店ぬおばぁまい年さ取いどぅ さがらんまい売う゛ぃーどぅとぅらすたーすが 時代ぬ流りぬ　うまがみ来しゅう ※負きゃーならんどー　島ぬ商店ぬおばぁ 時代ぬ波んさーれーな　ワイてぃ押し戻しよ おばぁが顔を見いるば　少っつぁ小高からばいまい 心や緩みどぅぴりば　我な通い来うでぃよ アッガンニャ！商店ぬおばぁんかい計算しーしみるば かまたぬスーパーゆっさ°まい時間ぬかかす°どぅすす やがてぃ太陽まい沈まっでぃどぅうー 家んき夕飯くっう゛ぁだからん たんでぃがまやば早かりしーふぃーるよおばぁ アッガンニャ！とぅんがらおばぁ達が商店んうぐなーり 話ん花や咲きーどぅふさんき°むぬやすが 誰がらが物う買うがち来しんまい 気や付かだな大声し笑いうー 盗みぴらばんまいおばぁや知さーんぱず 昔からぬ付き合いゆ取らでぃべや 押し寄しす°波かい乗うらでぃべや 銭な持ちーどぅ島人どぅまっう゛ぃどぅー あすがどぅスーパーやさがらしふぃーんむぬ ※２回繰り返し 計算なしいらいんたきぬ 宝ぬ落てぃーどぅー 君が足ぬ下んどぅありゃーみん 宝ぬ落てぃーどぅー