I han en Uhr erfunde

歌詞

I han en Uhr erfunde Wo geng nach zwone Stunde Blybt stah Aha Dir gseht vilicht nid y Was ds Praktische söll sy Da dra I will nechs säge Es isch vowäge Geng we myni Uhr blybt stah Mahnts mi dra das i se ja Ganz alei erfunde ha Und de dünkts mi i syg glych No ganz e gschickte Ma I heig Ja doch en Uhr erfunde Wo geng nach zwone Stunde Blybt stah Geng we myni uhr blybt stah Mahnts mi dra das i se ja Ganz alei erfunde ha Und de dünkts mi i syg glych Nid son e tumme Ma Fröidig zien i se de wider uf Giben ere für zwo Stunde Schnuuf Und mir git das für zwo Stunde Das verstöht dir sicher guet Sälbschtvertrouen und e früsche Muet Denn i Ha doch en Uhr erfunde Wo geng nach zwone Stunde Blybt stah Zwar, si isch nid sehr präzis Und git z'tüe vo früe bis spät Doch das stört my in kere wys Es git mer glych das Gfüel Vo stolzer Majestät I heig Derfür en Uhr erfunde Wo geng nach zwone Stunde Blybt ...